ایم کیوایم کے تحت ہفتہ کی شب جناح گراؤنڈ عزیز آباد میں بعد نما زعشاء عظیم الشان ’’محفل ذکر مصطفی ؐ ‘‘ منعقد ہوگی
محفل ذکر مصطفی ؐ میں ممتا علمائے کرام حضور اکرم ؐ کی سیرت طیبہ پرروشنی ڈالیں گے جبکہ معروف نعت خواں اورقوال حضرات رسالت مآب ؐ کی شان میں گلہائے عقیدت پیش کریں گے
محفل ذکر مصطفی ؐکے سلسلے میں نائن زیرو ، خورشید بیگم سیکریٹریٹ ، ایم پی اے ہاسٹل ، مکا چوک کے اعتراف کی گلیوں اور شہر کے مختلف مقامات کو برقی قمقموں سے سجا دیا گیا ہے
جناح گراؤنڈ عزیز آباد میں محفل ذکر مصطفی ﷺ کے انتظامات کو حتمی شکل دی جارہی ہے
کراچی ۔۔۔23، جنوری 2015ء
متحدہ قومی موومنٹ کے زیراہتمام ہر سال کی طرح امسال بھی جناح گراؤنڈ عزیز آباد میں کل مورخہ:24جنوری 2015ء بروز ہفتہ بعد نماز عشاء عظیم الشان’’ محفل ذکر مصطفی ﷺ ‘‘ کا انعقاد کیاجائے گا جس میں ملک کے ممتاز اور جید علمائے کرام حضور اکرم ﷺ کی سیرت طیبہ پر روشنی ڈالیں گے جبکہ معروف نعت ثناء خواں اور قوال حضرات رسالت مآب ﷺ کی شان میں گلہائے عقیدت پیش کریں گے ۔ محفل ذکر مصطفی ﷺ کے سلسلے میں ایم کیوایم کی جانب سے جناح گراؤنڈ عزیز آبادمیں انتظامات کو حتمی شکل دی جارہی ہے جبکہ جناح گراؤنڈ سمیت ایم کیوایم کے مرکز نائن زیرو ، خورشید بیگم سیکریٹریٹ ، ایم پی اے ہاسٹل اور مکا چوک کے اعتراف کی گلیوں اور شہر مختلف مقامات کو رنگ برنگے برقی قمقموں اور جھالروں سے سجا دیا گیا ہے ۔