مظفر گڑھ کی تحصیل کوٹ ادو کے قریب اسکول وین اور کار میں تصادم کے باعث پانچ افراد کے جاں بحق اور متعدد کے زخمی ہونے پرایم کیو ایم رابطہ کمیٹی کا اظہار افسوس
کراچی۔۔۔20جنوری2015ء
متحدہ قومی موومنٹ کی رابطہ کمیٹی نے مظفر گڑھ کی تحصیل کوٹ ادو کے قریب اسکول وین اور کار میں تصادم کے باعث پانچ افراد کے جاں بحق اور متعدد کے زخمی ہونے پر گہرے دکھ اور افسوس کا اظہار کیا ہے۔ایک تعزیتی بیان میں رابطہ کمیٹی نے جاں بحق افراد کے لواحقین سے دلی تعزیت و ہمدری کا اظہار کرتے ہوئے انہیں صبر کی تلقین کی ۔رابطہ کمیٹی نے وفاقی اور چاروں صوبائی حکومتوں سے مطالبہ کیا ہے کہ بڑھتے ہوئے ٹریفک حادثات میں روز بہ روز اضافہ ہوتا جارہا ہے جس کے باعث قیمیتی انسانی جانوں کا ضیاع معمول بن گیا ہے،ٹریفک حادثات کی روک تھام کیلئے موثر اقدامات کئے جائیں ۔
رابطہ کمیٹی نے ٹریفک حادثے میں جاں بحق ہونے والے افراد کے لئے اللہ تعالیٰ کے حضور دعا کی کہ اللہ تعالیٰ جاں بحق افراد کو جنت الفردوس میں اعلیٰ مقام عطا فرمائے اور زخمیوں کو جلد و مکمل صحتیابی نصیب کرے۔(آمین)