ایم کیوایم کے قائدالطاف حسین کی ممتازعالم دین سینیٹرتنویرالحق تھانوی سے رکوع پڑھنے کی فرمائش

کراچی:۔۔۔

متحدہ قومی موومنٹ کے قائدجناب الطاف حسین نے ایم کیوایم کے زیراہتمام لال قلعہ گراؤنڈعزیزآبادمیں منعقدہ مکالمہ میں شریک ممتازعالم دین ومذہبی اسکالرسینیٹرتنویرالحق تھانوی کومخاطب کرتے ہوئے کہاکہ تنویرتھانوی صاحب آپ ایک رکوع پڑھیں تاکہ آپ کے والدمحترمہ مولانااحتشام الحق تھانوی کی یادتازہ ہوجائے اوران کے حق میں دعانکلے کہ اللہ تعالیٰ ان کے درجات بلندفرمائے۔اس موقع پرسینیٹرتنویرالحق تھانوی نے انتہائی خشوع وخضوغ کے ساتھ رکوع پڑھ کرسنایاجس پرجناب الطاف حسین اورپنڈال میں موجودتمام شرکاء کی جانب سے ماشااللہ سبحان اللہ کی صدائیں بلندکی گئیں۔اس موقع پرجناب الطاف حسین نے مولانااحتشام الحق تھانوی کے حق میں دعائیں بھی کیں۔