ایم کیوایم کے زیراہتمام منعقدہ مکالمے میں شریک علمائے کرام کی جانب سے پیش کی گئی قرارداد متفقہ طورپرمنظور
کراچی:۔۔۔
متحدہ قومی موومنٹ کے زیراہتمام لال قلعہ گراؤنڈعزیزآبادمیں ایم کیوایم کے زیراہتمام ’’دنیاکی بدلتی صورتحال اوراتفاق بین المذاہب‘‘کے عنوان سے منعقدہ مکالمے میں شریک علمائے کرام متفقہ طوپرقراردادپیش کی گئی جسے تمام شرکاء نے ہاتھ فضاء میں بلندکرکے متفقہ طورپرمنظورکیاقراردادکی تائیدایم کیوایم کے قائدجناب الطاف حسین نے بھی کی۔ علمائے کرام کی جانب سے پیش کی گئی قراردادمیں گستاخانہ خاکوں کی اشاعت پر فرانس کی حکومت سے احتجاج کرتے ہوئے خاکوں کی بھرپورمذمت کی گئی اورکہاگیاکہ توہین آمیز خاکے شائع کرناانتہائی قابل مذمت ہے اس طرح کاعمل کرکے مسلمانوں کومشتعل کیا جارہا ہے بلکہ دنیاکوتیسری عالمی جنگ کی طرف دھکیلاجارہاہے جس کی آج کایہ مکالمہ شدید الفاظ میں مذمت کرتاہے،قراردادمیں ملت اسلامیہ کے ممالک اوآئی سی اوران کے سربراہان کی جانب سے گستاخانہ خاکوں کی اشاعت پرخاموشی اختیارکرنے کی بھی بھرپورمذمت کی گئی اوربین الاقوامی دہشت گردتنظیموں القاعدہ، طالبان اورداعش کی جانب سے شہیدکیے گئے لوگوں اورسانحہ پشاورکے معصوم شہداء سے مکمل اظہاریکجہتی اوربھرپورہمدردی کرتے ہوئے مکالمے میں شریک ایک ایک شخص کی جانب سے شہداء کے لواحقین سے مکمل طورپر اظہار یکجہتی کیاگیا۔قراردادمیں دہشت گرد تنظیم جماعت اسلامی پرفی الفورپابندی عائدکرنے کابھی مطالبہ کیاگیاجسے تمام شرکاء نے ہاتھ اٹھاکرمنظورکیا۔