بلو چستان میں ڈسٹرکٹ الیکشن کمشنر کاقتل حکومت اور اسکے اداروں کی ناکامی کا ثبوت ہے ،ڈاکٹر فاروق ستار

متحدہ قومی موومنٹ کی رابطہ کمیٹی کے ڈپٹی کنوینر ڈاکٹر فاروق ستار نے کوئٹہ میں الیکشن کمیشن آف پاکستان کے ڈسٹر کٹ کمشنر ضیا ء اللہ کی دہشت گردوں کے ہاتھوں ہلاکت کے واقعہ کی شدیدمذمت کی ہے اور اسے حکومت اور اسکے اداروں کی ناکامی کاایک اور ثبوت قر ار دیا ہے ۔ڈاکٹر فاروق ستار نے کہا کہ گورنر راج کے نفاذ کے بعد بھی بلوچستان میں جاری بدامنی کے واقعات تشویشناک ہیں جہاں بیگنا ہ عوام کے ساتھ ساتھ سرکاری اہلکاروں کا قتل بھی تسلسل کے ساتھ جاری ہے ۔انہوں نے حکومت سے مطالبہ کیاکہ ضیاء اللہ کے قاتلوں کو فی الفور گرفتار کیا جائے اور بلو چستان کو بدامنی سے نجات دلانے کیلئے ٹھوس اقدامت کئے جائیں ۔ ڈاکٹر فاروق ستار نے ضیا ء اللہ مرحوم کے سوگوار لواحقین سے دلی تعزیت کا اظہار بھی کیا۔