پولیس حراست کے دوران ماورائے عدالت قتل ہونے والے ایم کیو ایم ملیر سیکٹر کے کارکن فراز عالم شہید کے ماموں سید متین حسین کی مدعیت میں کھوکھراپار تھانے میںFIRاندراج کیلئے درخواست جمع کرادی
سید متین حسین نے حق پرست ارکان قومی و صوبائی اسمبلی ساجد احمد ، ندیم راضی اور اشفاق منگی کے ہمراہ کھوکھرا پار تھانے جمع کرائی
درخواست میں موقف اختیار کیا گیا ہے دوران حراست پولیس والوں نے فراز عالم کو بہیمانہ تشدد کا نشانہ بناکر ماورائے عدالت قتل کیا ہے ۔
کراچی :۔۔14؍ جنوری 2015ء
متحدہ قومی موومنٹ ملیر سیکٹر کارکن سید فراز عالم کی ماورائے عدالت قتل کے خلاف گزشتہ روزز فراز عالم کے ماموں سید متین حسین ولد عابد حسین کی مدعیت میں کھوکھراپار تھانہ میں FIRدرج کرنے کیلئے پولیس کے خلاف درخواست دائر کردی گئی ہے ۔ اس موقع پر ان کے ہمراہ ایم کیوایم حق پرست رکن قومی اسمبلی ساجد احمد ، حق پرست ارکان سندھ اسمبلی ندیم راضی اور اشفاق منگی بھی موجود تھے ۔ درخواست پر سید فراز عالم کے ماموسید متین حسین کے دستخط موجو ہیں ۔ سید متین حسین ولد عابد حسین نے درخواست میں مقدمہ قتل و تجوزات اختیارات و بہیمانہ تشدد کے حوالے سے موقف اختیار کیا ہے ۔انہوں نے درخواست میں مزید لکھا ہے کہ میرے بھانجے فرازعالم کوپولیس والوں نے حراست کے دوران وحشیانہ تشددکرکے ماورائے عدالت قتل کیا ہے ۔ فرازعالم کو 28دسمبر 2014ء کو کھوکھراپارتھانے کی پولیس نے گرفتارکیاتھا،یہ پولیس کی حراست میں ہی تھے کے دوران حراست پولیس والوں نے فرازعالم کووحشیانہ تشددکانشانہ بنایا گیا۔ مجھ سمیت فراز عالم کے اہل خانہ کو فراز عالم کی موت کی خبر مورخہ 10جنوری 2015ء کو دی گئی اور اس کھلے قتل کو دل کے دورے کانتیجہ قراردیاگیاجو سراسر جھوٹ پر مبنی ہے ۔