حکومت پاکستان کی جانب سے آزادکشمیرالیکشن کی صحیح رپورٹنگ کرنے والے صحافیوں کوہراساں کرنا اور انٹرنیشنل چینل الجزیرہ پر پابندی عائد کرنا قابل مذمت ہے۔
کشمیری عوام نے آزادکشمیر میں ہونے والے جعلی الیکشن کا بائیکاٹ کیا ہے اوروہ الیکشن میں ووٹ ڈالنے کے بجائے وہاں مظالم کے خلاف احتجاج کررہے ہیں۔ حکومت نے اس صورتحال کو دنیا سے چھپانے کے لئے ایک طرف تو آزاد کشمیرمیں انٹرنیٹ کی سروس بند کردی ہے اوردوسری جانب میڈیا کوبھی کنٹرول کیا جارہا ہے۔ تمام میڈیا کو سختی سے ہدایت کردی گئی ہے کہ وہ الیکشن کے حوالے سے صرف وہی خبرنشرکریں جوسرکاری سطح پر انہیں فراہم کی جائے، میڈیا کے نمائندوں کوکھلی کھلی دھمکیاں دی جارہی ہیں، جو صحافی وہاں کی صحیح رپورٹنگ کرتا ہے اس کو اٹھالیا جاتاہے، انٹرنیشنل نیوزچینل الجزیرہ کے نمائندے حیدرکمال نے آزادکشمیر الیکشن کے حوالے سے صحیح رپورٹنگ کی اور اپنی رپورٹ میں کشمیریوں کی جانب سے الیکشن کے بائیکاٹ اور ووٹنگ کاٹرن آؤٹ بہت کم ہونے اورکشمیریوں کے احتجاج کا زکرکیا توحکومت کی جانب سے پاکستان میں الجزیرہ پر پابندی عائد کردی گئی ہے۔ یہ اقدام انتہائی قابل مذمت ہے اورآزادانہ صحافت کو قید کرنے کا عمل ہے۔ یہ سلسلہ بند کیا جائے۔
الطاف حسین
ٹک ٹاک پر فکری نشست سے خطاب