جناب الطاف حسین کا لوئر کرم میں بارودی سرنگ کے دھماکے میں چار سیکورٹی اہلکار وں کے شہید اور متعدد اہلکاروں کے زخمی ہو نے کے واقعے پراظہارافسوس
قوم دہشتگردی کے خلاف متحد ہے اور اس قسم کی مذموم کارروائیوں سے ہمارے حوصلے پست نہیں ہوں گے ،الطاف حسین
جناب الطاف حسین کی دھماکے میں شہیدہونیوالے اہلکاروں کے درجات کی بلندی اور زخمیوں کی جلد ومکمل صحتیابی کیلئے دعا
لندن۔۔۔8جنوری2015ء
متحد ہ قومی موومنٹ کے قائد جناب الطاف حسین نے ہنگو لوئر کرم ایجنسی کے علاقے میں بارودی سرنگ کے دھماکے میں چار سیکورٹی اہلکاروں کے شہید اور متعدداہلکاروں کے زخمی ہو نے کے واقعے پر گہرے دکھ اورافسوس کااظہار کیا ہے ۔ جناب الطاف حسین نے کہا کہ دہشتگرد اس قسم کی بذدلانہ کار روائیوں کے ذریعے ہماری مسلح افواج کے جوانوں کے حوصلے پست کر نا چاہتے ہیں لیکن اب قوم دہشتگردی کے خلاف متحد ہوگئی ہے اور اس قسم کی مذموم کارروائیوں کے ذریعہ سے ہمارے حوصلے پست نہیں کئے جاسکتے۔ جناب الطاف حسین نے بارودی سرنگ کے دھماکے میں شہیدہونیوالے اہلکاروں کے درجات کی بلندی اور زخمیوں کی جلد ومکمل صحتیابی کیلئے دعا کی اور انکے لواحقین سے اظہارہمدردی کیا ہے ۔