عوامی نیشنل پارٹی ڈسٹرکٹ ویسٹ کے صدرسیف اللہ آفریدی کے بڑے بھائی حاجی ظفراللہ آفریدی سے ایم کیوایم کی رابطہ کمیٹی کے رکن اظہاراحمدخان کی گفتگو، بھائی کے قتل پر تعزیت کی

لندن ۔۔۔ 5 جنوری 2015ء

متحدہ قومی موومنٹ کی رابطہ کمیٹی کے رکن اظہاراحمدخان نے عوامی نیشنل پارٹی ڈسٹرکٹ ویسٹ کے صدرسیف اللہ آفریدی کے بہیمانہ قتل کے واقعہ پر مقتول کے بڑے بھائی حاجی ظفراللہ آفریدی کولندن سے فون کرکے تعزیت کی۔اظہاراحمدخان نے حاجی ظفراللہ آفریدی سے گفتگوکرتے ہوئے کہاکہ ایم کیوایم طالبانائزیشن اور دہشت گردی کے خلاف ہے جبکہ قائدتحریک الطاف حسین کئی برسوں سے طالبانائزیشن کے خطرے سے آگاہ کررہے تھے لیکن افسوس کہ اس وقت اے این پی کے رہنماؤں نے اس بات کوپختونوں کے خلاف قراردیاانہوں نے کہاکہ یہی وجہ ہے کہ طالبان دہشت گردوں نے سب سے پہلے کراچی میں اے این پی کو ہی نشانہ بنایااورآج بھی اے این پی کے رہنماؤں کوطالبان اپنی دہشت گردی کانشانہ بنارہے ہیں لیکن اے این پی کے رہنما طالبان کانام تک لینے کو تیار نہیں ہیں۔اظہاراحمدنے کہاکہ قائدتحریک الطاف حسین کل کی طرح آج بھی کھل کرطالبان کی دہشت گردی کے خلاف آوازاٹھارہے ہیں۔ اظہار احمد نے قائدتحریک الطاف حسین کی جانب سے حاجی ظفراللہ آفریدی سے انکے بھائی سیف اللہ آفریدی کے قتل پر تعزیت کرتے ہوئے کہاکہ ایم کیوایم دکھ کی اس گھڑی میںآپ کے ساتھ ہے اورآپ کے غم میں برابرکی شریک ہے ۔ حاجی ظفراللہ آفریدی نے ان کے بھائی کے قتل پر آوازاحتجاج بلند کرنے پر جناب الطاف حسین کاشکریہ اداکیا۔