ایم کیوایم رابطہ کمیٹی کے رکن اسلم خان آفریدی کی طالبان کے ہاتھوں اے این پی رہنما سیف اللہ آفریدی کے قتل کی مذمت

کراچی ۔۔۔5جنوری2015ء

متحدہ قومی موومنٹ کی رابطہ کمیٹی کے رکن اسلم خان آفریدی نے گزشتہ رات عوامی نیشنل پارٹی سندھ کے مقامی رہنما سیف اللہ آفریدی کے طالبان کے ہاتھوں قتل کی سخت الفاظ میں مذمت کرتے ہوئے کہا ہے کہ پختونوں کی علمبرداری کا دعویٰ کرنے والی جماعت اے این پی ان کے قتل پر خاموشی معنی خیز اور افسوسناک ہے۔انہوں نے کہا کہ عوامی نیشنل پارٹی کے مرکزی عہدیداران سیف اللہ آفریدی کے قتل پر خاموش ہیں اور انہوں نے آج تک پختونوں کے قتل عام کی مذمت نہیں کی جب کہ جناب الطاف حسین نے ہمیشہ کراچی میں بسنے والے پختونوں کے لئے آواز بلندکی ہے ۔اسلم آفریدی نے کہاکہ جناب الطاف حسین اور ایم کیوایم سیف اللہ آفریدی کے بہیمانہ قتل پر پختون قوم کے غم میں برابر کی شریک ہے اور حکومت سے مطالبہ کرتی ہے کہ وہ سیف اللہ آفریدی سمیت طالبان کے ہاتھوں قتل ہونے والے تمام شہریوں کے اہل خانہ کو انصاف فراہم کرنے کیلئے فوری اقدامات کرکے شہر میں موجود طالبان کی آماجگاہوں کا ہنگامی بنیادوں پر خاتمہ کریں۔