ایم کیوایم کے زیر اہتمام آتشزدگی سے متاثرہ ٹمبر مارکیٹ کے متاثرین کی امداد کا سلسلہ تاحال جاری
حق پرست اراکین اسمبلی، تنظیمی شعبہ جات کے ذمہ داران و کارکنان متاثرین کی بھر پور امداد کیلئے ہمہ وقت موجود ہیں
ایم کیوایم میڈیکل ایڈ کمیٹی کے ماہر ڈاکٹرز اور پیرا میڈیکل اسٹاف متاثرین کو علاج و معالجے کی سہولیات فراہم کررہے ہیں
حق پرست رکن اسمبلی ریحان ظفر نے گھرگھر جاکر متاثرین میں کھانے پینے کی اشیاء و ضروریات زندگی کا سامان تقسیم کیا
متحدہ قومی موومنٹ کے زیر اہتمام آتشزدگی سے متاثرہ ٹمبر مارکیٹ کے متاثرین کی امداد کا سلسلہ تاحال جاری ہے اس سلسلے میں ایم کیو ایم کا امدادی و طبی کیمپ ٹمبر مارکیٹ پر قائم ہے جہاں حق پرست اراکین اسمبلی ، تنظیمی شعبہ جات کے ذمہ داران ، علاقائی سیکٹرز و یونٹس کے ذمہ داران و کارکنان متاثرین کی بھر پور امداد کیلئے ہمہ وقت موجود ہیں جبکہ ایم کیو ایم کی میڈیکل ایڈ کمیٹی کے ماہر ڈاکٹرز اور پیرا میڈیکل اسٹاف کے اراکین متاثرین کے طبی معائنے اور علاج و معالجے کیلئے موجود ہیں ۔ اس سلسلے میں جناب الطاف حسین کی خصوصی ہدایت پر حق پرست رکن صوبائی اسمبلی ریحان ظفرنے گھر گھر جاکر متاثرین میں امدادی سامان ،کھانے پینے کی اشیاء و ضروریات زندگی کا دیگر سامان تقسیم کیا ۔ اس موقع پرعوام نے جناب الطاف حسین کا شکریہ ادا کیا اور انکے لئے ڈھیروں دعاؤں و نیک تمناؤں کا اظہار کیا ۔