ربیع الاوّل میں مذہبی ہم آہنگی کے قیام کیلئے ایم کیو ایم کے وفد کی مختلف علمائے کرام سے ملاقاتیں

کراچی :۔۔۔2 ؍جنوری 2015ء

ربیع الاوّل کے مقدس ماہ میں تمام مکاتب فکرکے درمیان ہم آہنگی برقراررکھنے کے لئے ایم کیوایم کے قائدجناب الطاف حسین کی ہدایت پررابطہ کمیٹی کے ارکان،حق پرست نمائندوں،علماء کمیٹی کے ارکان اوردیگرذمہ داران پرمشتمل وفودکی جانب سے علمائے کرام اورمشائخ عظام سے ملاقاتوں کاسلسلہ جاری ہے۔ اس سلسلے میں گزشتہ رو ز ایم کیو ایم رابطہ کمیٹی کے رکن عامر خان نے دیگر ذمہ داران کے ہمراہ اہل سنت پاکستان کے رہنما علامہ شاہ تراب الحق قادری جبکہ حق پرست رکن سندھ اسمبلی عبدالحسیب،ایم کیو ایم علماء کمیٹی کے انچارج جاوید احمدودیگراراکین پرمشتمل ایم کیوایم کے وفدنے سنی اتحاد کونسل سندھ کے رہنماء طارق محبوب،صدر دعوت اسلامی کراچی یحییٰ عطاری اورتحریک منہاج القرآن کے صوبائی رہنما خواجہ محمداشرف سے علیحدہ علیحدہ ملاقاتیں کیں اورانہیں جناب الطاف حسین کی جانب سے عیدمیلادالنبی ﷺکی پیشگی مبارکباد پیش کی اورکاخصوصی پیغام پہنچایا۔ اس موقع پرعلماء کرام نے ملک میں القاعدہ،داعش اورطالبان کی تیزی سے بڑھتی ہوئی سرگرمیوں پر تشویش کا اظہار کرتے ہوئے ڈنڈا بردار شریعت کے نفاذ کی کھل کرمخالفت کرنے پرجناب الطاف حسین کی تائیدکی اور حمایت کایقین دلایا۔انہوں نے ربیع الاوّل کے موقع پر مذہبی ہم آہنگی کے قیام کیلئے جناب الطاف حسین کے اقدامات اورکاوشوں کو سراہا۔ اس موقع پر علما ء کرام نے جناب الطاف حسین کی صحت وتندرستی ،درازی عمراورسلامتی کے لئے اللہ تعالیٰ کے حضوردعائیں بھی کیں۔