مظفر آباد کوہالا روڈ پر مسافر وین کھائی میں گرنے کے حادثے میں متعدد افراد کے ہلاک اور زخمی ہونے پر رابطہ کمیٹی کااظہار تعزیت

کراچی ۔۔۔31، دسمبر2014ء

متحدہ قومی موومنٹ کی رابطہ کمیٹی نے مظفر آباد کوہالا روڈ پر مسافروین کھائی میں گرنے کے المناک حادثے میں متعدد افراد کے ہلاک اور زخمی ہونے پر گہرے دکھ اورافسوس کا اظہار کیا ہے ۔ ایک تعزیتی بیان میں رابطہ کمیٹی نے ہلاک ہونے والے افراد کے تمام سوگوار لواحقین سے دلی تعزیت وہمدردی کااظہار کرتے ہوئے انہیں صبر کی تلقین کی ۔ رابطہ کمیٹی نے دعا کی کہ اللہ تعالیٰ جاں بحق افراد کو جنت الفردوس میں اعلیٰ مقام عطا فرمائے ،سوگواران کو صبرجمیل عطاکرے اور زخمیوں کو جلد ومکمل صحت یابی عطا فرمائے ۔