کراچی کی ٹمبر مارکیٹ میں آتشزدگی سے متاثرہ دکانداروں اور علاقہ مکینوں کے بجلی اور گیس کے بل معاف کئے جائیں۔ الطاف حسین
ٹمبرمارکیٹ میں لگنے والی آگ سے مارکیٹ کے دکانداروں اور اس سے متصل فلیٹوں اور گھروں کے مکینوں کا زندگی بھر کا سارا مال و اسباب جل کر راکھ ہوگیا ہے
متاثرین کیلئے حکومت کی جانب سے اعلان کردہ فنڈز بھی فی الفور ادا کئے جائیں
لندن۔۔۔ 31 دسمبر2014ء
متحدہ قومی موومنٹ کے قائدجناب الطاف حسین نے حکومت سے مطالبہ کیاہے کہ کراچی کی ٹمبرمارکیٹ میں آتشزدگی سے متاثرہ دکانداروں اورمکینوں کے بجلی اورگیس کے بل معاف کئے جائیں۔ اپنے ایک بیان میں جناب الطاف حسین نے کہاکہ پراناحاجی کیمپ کی ٹمبرمارکیٹ میں لگنے والی آگ سے مارکیٹ کے دکانداروں اوراس سے متصل فلیٹوں اور گھروں کے مکینوں کازندگی بھر کا سارا مال و اسباب جل کرراکھ ہوگیاہے اوروہ تباہ ہوکرسڑک پرآگئے ہیں ۔ایسے حال میں وہ بجلی اورگیس کے بل کس طرح اداکرسکتے ہیں۔ انہوں نے حکومت سے مطالبہ کیاکہ متاثرہ دکانداروں اورمکینوں کے بجلی اورگیس کے بل معاف کئے جائیں اوران متاثرین کیلئے حکومت کی جانب سے اعلان کردہ فنڈز فی الفور ادا کئے جائیں۔