لاہور پریس کلب کے نومنتخب صدر ارشد انصاری، نائب صدر ندیم بسرا اور سیکریٹری افضال طالب سمیت دیگر عہدیداران کو ایم کیوایم رابطہ کمیٹی کی مبارکباد

لاہور۔۔۔۔۔30 دسمبر 2014

متحدہ قومی موومنٹ رابطہ کمیٹی نے لاہور پریس کلب کے سالانہ انتخابات میں ارشد انصاری کو صدر ، ندیم بسرا کو نائب صدر، افضال طالب کو سیکریٹری ، صائمہ نواز کو جوائنٹ سیکریٹری ، شاداب ریاض کو فنانس سیکریٹری اور گورننگ باڈی کے ممبران مروا عنصر چوہدری ، قمر الزمان بھٹی ، رضوان خالد، شعیب عزیز ، عمران شیخ ، افضال چوہدری ، امبرین فاطمہ اور فرقان کومنتخب ہونے پر دلی مبارکباد پیش کی ہے۔ اپنے ایک تہنیتی بیان میں رابطہ کمیٹی نے اس امید کا اظہار کیا کہ لاہور پریس کلب کے نومنتخب صدر و سیکریٹری اور دیگر عہدیداران مارضی کی طرح آزادی صحافت کے علم کو بلند رکھیں گے اور صحافتی اقدار اور اس کے احترام سمیت صحافیوں کو درپیش مسائل اور مشکلات کے حل کیلئے نہ صرف مثبت اقدامات کریں گے بلکہ اس سلسلے میں اپنی تمام صلاحیتوں کو بروئے کار لائیں گے۔