ایم کیوایم قصبہ علی گڑھ کے ہر دل عزیز کارکن سید قاصد علی کی شہادت پر جناب الطاف حسین کااظہار افسوس
لندن ۔۔۔30دسمبر2014ء
ایم کیو ایم کے قائد جناب الطاف حسین نے ایم کیوا یم قصبہ علیگڑھ سیکٹر یونٹ 131کے ہر دل عزیز کارکن سید قاصد علی کی شہادت پر گہرے دکھ اور افسوس کا اظہار کیاہے ۔ایک تعزیتی بیان میں جناب الطاف حسین نے کہاکہ حق پرستی کی جدوجہد کے آغاز سے ہی میں کارکنان کی جدائی کا غم برداشت کرتا آرہا ہوں لیکن اس کے باوجود اللہ کے بھروسے اورصبرکے ساتھ اپنے کارکنان کیلئے انصاف کا طالب ہوں ۔ جناب الطاف حسین نے شہیدکے سوگوار لواحقین سے دلی تعزیت وہمدردی کااظہار کرتے ہوئے کہاکہ مجھ سمیت ایم کیو ایم کے تمام کارکنان دکھ کی اس گھڑی میں آپ کے غم میں برابر کے شریک ہیں ۔ انہوں نے دعا کی کہ اللہ تعالیٰ شہید کو جنت الفردوس میں اعلیٰ مقام عطا فرمائے اور سوگواران کو یہ صدمہ برداشت کرنے کا حوصلہ عطاکرے۔ (آمین)