کراچی و ملک بھر میں مقیم مخیر حضرات ٹمبر مارکیٹ آتشزدگی کے متاثرین کی بھرپور امداد کریں، الطاف حسین کی اپیل

لندن ۔۔۔30دسمبر2014ء

متحدہ قومی موومنٹ کے قائد الطاف حسین نے کراچی سمیت ملک بھر میں مقیم پاکستانیوں بالخصوص مخیر حضرات سے اپیل کی ہے کہ وہ ٹمبرمارکیٹ آتشزدگی سانحہ کے متاثرین کی بھر پور امداد کریں ۔ جناب الطاف حسین نے ٹمبر مارکیٹ پر قائم ایم کیو ایم کے امدادی کیمپ پر پیر اور منگل کی درمیانی شب امدادی سرگرمیوں میں مصروف حق پرست اراکین اسمبلی، کارکنان اور خد مت خلق فاؤنڈیشن کے رضاکاران سے ٹیلی فونک گفتگو کرتے ہوئے اپیل کی کہ وہ مشکل کی اس گھڑی میں ٹمبر مارکیٹ آ تشزدگی کے متاثرین کی بھر پور امدا د کریں اوراس سلسلے میں غذائی اجناس ، سردی سے بچاؤ کیلئے گرم کپڑے ، کمبل، کھانے پینے کی اشیاء، بچوں کی ضروریات کا سامان، خشک دودھ و ضروریا ت زندگی کی دیگر اشیاء فیڈرل بی ایریا میں واقع خدمت خلق فاؤنڈیشن کے مرکزی دفتریاآتشزدگی سے متاثرہ ٹمبر مارکیٹ پر قائم ایم کیو ایم کے امدادی کیمپ پر 24گھنٹے جمع کروا سکتے ہیں ۔
پرانا حاجی کیمپ کے دلخراش سانحہ کی تصاویر اور عوام کے تاثرات