حضرت شاہ عبد اللطیف بھٹائیؒ کے گدی نشین سید نثار حسین شاہ کے انتقال پر جناب الطاف حسین کا اظہار افسوس
مرحوم کی تعلیمات حضرت شاہ عبد اللطیف بھٹائیؒ کے درس کے مطابق تھیں، جناب الطاف حسین
جناب الطاف حسین کا سید نثار حسین شاہ مرحوم کے سوگوار لواحقین اور عقیدت مندوں سے دلی تعزیت و ہمدردی کا اظہار
لندن:۔۔۔29، دسمبر2014ء
متحدہ قومی موومنٹ کے قائد جناب الطاف حسین نے حضرت شاہ عبد اللطیف بھٹائی ؒ کے گدی نشین سید نثار حسین شاہ کے انتقال پر گہرے دکھ اور افسوس کا اظہار کیا ہے۔ ایک تعزیتی بیان میں انہوں نے کہا کہ مرحوم ایک نیک ہستی تھے اور مرحوم کی تعلیمات حضرت شاہ عبد اللطیف بھٹائیؒ کے درس کے مطابق تھیں ۔ انہوں نے مرحوم کے سوگوار لواحقین اور عقیدت مندوں سے دلی تعزیت وہمدردی کااظہار کرتے ہوئے مجھ سمیت ایم کیوایم کے تمام کارکنان آپ کے غم میں برابر کے شریک ہیں ۔ جناب الطاف حسین نے دعا کی کہ تعالیٰ سید نثار حسین شاہ مرحوم کو جنت الفردوس میں اعلیٰ مقام عطا فرمائے اور سوگواران کو یہ صدمہ برداشت کرنے کا حوصلہ عطاکرے ۔ (آمین)