ایم کیوایم کے قائد الطاف حسین کا لاہور میں تاریخی انار کلی بازار میں ہولناک آتشزدگی سے متعدد افراد کے جاں بحق ہونے پر اظہار افسوس

لندن۔۔۔29، دسمبر2014ء

متحدہ قومی موومنٹ کے قائد جناب الطاف حسین نے لاہورمیں تاریخی انارکلی بازار میں ہولناک آتشزدگی سے متعددافرادکے جاں بحق ہونے پر دلی افسوس کا اظہار کیا ہے۔ اپنے ایک بیان میں انہوں نے کہاکہ انارکلی بازارلاہورکاتاریخی بازارہے جس میں اس ہولناک آتشزدگی کے واقعہ میں اس قدربڑی تعداد میں شہریوں کی ہلاکتوں سے ہردل دکھی اورافسردہ ہے۔ جناب الطاف حسین نے حکومت پنجاب سے کہاکہ اس ہولناک آگ پر قابوپانے اورمتاثرہ پلازہ کے مکینوں کی جانیں اوراملاک بچانے کیلئے تمام تروسائل بروئے کار لائے جائیں ۔ جناب الطاف حسین نے مطالبہ کیاکہ سانحہ کی تحقیقات کرائی جائے اوراس کے اسباب کاپتہ چلایاجائے اورمتاثرین کے نقصانات کاازالہ کیاجائے۔ انہوں نے کہا کہ آتشزدگی کایہ واقعہ ایک بڑاسانحہ ہے اوراس کے نتیجے میں اتنی بڑی تعدادمیں لوگوں کی ہلاکتوں سے میرادل بہت دکھی ہے ،میں اورمیرے تمام ساتھی اس سانحہ کے نتیجے میں جاں بحق ہونے والوں کے لواحقین کے غم میں برابرکے شریک ہیں۔ جناب الطاف حسین نے دعاکی کہ اللہ تعالیٰ اس آتشزدگی کے سانحہ پر جاں بحق ہونے والے افرادکواپنی جواررحمت میں جگہ دے اورلواحقین کوصبرجمیل عطاکرے۔