پرانا حاجی کیمپ میں لکڑی کے گودام میں ہولناک آتشزدگی کے واقعہ پر ایم کیوایم کی رابطہ کمیٹی کا اظہار تشویش
حکومت کے نمائندے ایسے موقع پر غائب ہیں، ان کی یہ بے حسی افسوسناک ہے۔ رابطہ کمیٹی
آتشزدگی کی اطلاع ملتے ہی ایم کیوایم کے قائد الطاف حسین کی فوری ہدایت پر رابطہ کمیٹی کا گورنرسندھ ڈاکٹر عشرت العباد سے رابطہ، آگ پر قابو پانے کیلئے شہر کے دیگر علاقوں سے فائر ٹینڈر طلب کرنے کی گزارش
کراچی۔۔۔ 28 دسمبر2014ء
متحدہ قومی موومنٹ کی رابطہ کمیٹی نے پراناحاجی کیمپ میں لکڑی کے گودام میں ہولناک آتشزدگی کے واقعہ پر گہری تشویش کا اظہار کیا ہے۔ اپنے ایک ہنگامی بیان میں رابطہ کمیٹی نے کہاکہ پراناحاجی کیمپ کے علاقے میں لکڑی کے گودام میں لگنے والی آگ نے قریبی مکانوں کو بھی اپنی لپیٹ میں لے لیاہے اورعلاقے کے مکینوں میں خوف وہراس پھیلاہواہے لیکن حکومت کے نمائندے ایسے موقع پر غائب ہیں۔ صوبائی حکومت کے نمائندوں کی یہ بے حسی افسوسناک ہے ۔ رابطہ کمیٹی نے گورنرسندھ ڈاکٹرعشرت العبادسے مطالبہ کیا کہ پراناحاجی کیمپ میں آتشزدگی پر قابوپانے کیلئے ہنگامی بنیادوں پراقدامات کئے جائیں۔ دریں اثناء آتشزدگی کی اطلاع ملتے ہی ایم کیوایم کے قائدجناب الطاف حسین کی فوری ہدایت پر رابطہ کمیٹی نے گورنرسندھ ڈاکٹرعشرت العبادسے رابطہ کیااورآگ پر قابو پانے کیلئے شہرکے دیگرعلاقوں سے فائرٹینڈرطلب کرنے کی گزارش کی ۔