الطاف حسین کا ٹیلی فون پر رابطہ کمیٹی کے سابق رکن واسع جلیل سے اظہار تعزیت
واسع جلیل کے چھوٹے بھائی وسیم جلیل کے انتقال تمام سوگوارلواحقین کو صبر کی تلقین
دکھ کی اس گھڑی میں مجھ سمیت ایم کیوایم کے تمام کارکنان آپ کے غم میں برابر کے شریک ہیں، الطاف حسین
لندن۔۔۔25،دسمبر2014ء
متحدہ قومی موومنٹ کے قائد جناب الطاف حسین نے ٹیلی فون پررابطہ کرکے ایم کیوایم رابطہ کمیٹی کے سابق رکن واسع جلیل سے انکے چھوٹے بھائی وسیم جلیل کے انتقال پر دلی تعزیت وہمدردی کااظہارکیا۔ جناب الطاف حسین نے وسیم جلیل کے انتقا ل پر واسع جلیل سمیت مرحوم کے تمام سوگوارلواحقین سے دلی تعزیت وہمدردی کا اظہار کرتے ہوئے انہیں صبر کی تلقین کی۔ انہوں نے کہاکہ دکھ کی اس گھڑی میں مجھ سمیت ایم کیوایم کے تمام کارکنان آپ کے غم میں برابر کے شریک ہیں۔ جناب الطاف حسین نے دعا کی کہ اللہ تعالیٰ مرحوم کو کروٹ کروٹ جنت الفردوس میں اعلیٰ مقام عطافرمائے اور سوگوار لواحقین کو یہ صدمہ برداشت کرنے کا حوصلہ دے ۔