جناب الطاف حسین کی کوئٹہ کے پرنس روڈ پر دھماکے کی سخت الفاظ میں مذمت

لند ن ۔۔۔24دسمبر2014ء

متحدہ قومی موومنٹ کے قائد جناب الطااف حسین نے کوئٹہ کے پرنس روڈ پر دھماکے کی سخت الفاظ میں مذمت کی ہے اوردھماکے کے نتیجے میں متعدد افراد کے زخمی ہونے پر گہرے دکھ اور افسوس کا اظہار کیا ہے ۔ ایک بیان میں جناب الطاف حسین نے دھماکے میں زخمی ہونے والے افراد کے لواحقین سے دلی ہمدردی کا اظہار کرتے ہوئے متاثرین کیلئے دعا کی ہے ۔ انہوں نے کہا کہ دہشتگرد ملک کے مختلف حصوں میں اپنی کار روائیوں کے ذریعے ہم وطنوں کے حوصلے پست کرنا چاہتے ہیں لیکن قوم اپنے درمیان اتحاد قائم رکھیں اور کسی بھی قسم کی دہشتگردی سے خوف زدہ نا ہوں ۔ جناب الطاف حسین نے وفاقی اور بلوچستان کی صوبائی حکومت سے مطالبہ کیا کہ وہ کوئٹہ کی پرنس روڈ پر دھماکے میں ملوث دہشتگردوں کو فوری گرفتار کرکے قرار واقع سزا دیں اورشہر میں امن و امان کے لئے خصوصی انتظامات کروائیں ۔