ایم کیوایم رابطہ کمیٹی کے سابق رکن واسع جلیل کے بھائی وسیم جلیل علالت کے باعث انتقال کرگئے

کراچی ۔۔۔24، دسمبر2014ء

ایم کیوایم کی رابطہ کمیٹی کے سابق رکن واسع جلیل کے بھائی وسیم جلیل علالت کے بعد آج انتقال کرگئے ۔ مرحوم کی عمر 40سال تھی اور وہ علالت کے باعث کراچی کے مقامی اسپتال میں کافی دنوں سے زیر علاج تھے تاہم آج ان کی طبیعت زیادہ بگڑ گئی اور وہ اپنے خالق حقیقی سے جاملے ۔ مرحوم کے سوگواران میں ایک بیوہ شامل ہیں ۔

دریں متحدہ قومی موومنٹ کی رابطہ کمیٹی نے رابطہ کمیٹی کے سابق رکن واسع جلیل کے بھائی وسیم جلیل کے انتقال پر گہرے دکھ اور افسوس کااظہار کیا ہے۔ ایک تعزیتی بیان میں رابطہ کمیٹی نے مرحوم کے تمام سوگوار لواحقین سے دلی تعزیت وہمدردی کااظہا رکرتے ہوئے انہیں صبر کی تلقین کی ۔ رابطہ کمیٹی نے دعا کی کہ اللہ تعالیٰ مرحوم کو اپنی جواررحمت میں اعلیٰ مقام عطا فرمائے اور سوگواران کو یہ صدمہ برداشت کرنے کا حوصلہ عطاکرے۔ (آمین)