ایم کیوایم کے قائدالطاف حسین آج سہ پہر ساڑھے تین بجے لال قلعہ گراؤنڈعزیزآباد میں اہم اور ہنگامی پریس کانفرنس سے خطاب کریں گے

بعض سیاسی ومذہبی رہنماؤں ، تجزیہ نگاروں، تاریخ دانوں ، ، اینکرپرسنز اور بعض اکابرین نے مولانا عبدالعزیز کی گرفتاری ، لال مسجد کو ڈھانے یا جلانے اور مدرسہ حفصہ کو بندکرنے کے مطالبے پرشدیداعتراضات کئے ہیں

کراچی ۔۔۔24، دسمبر2014ء

متحدہ قومی موومنٹ کے قائد جناب الطاف حسین آج بروزبدھ سہ پہرساڑھے تین بجے لال قلعہ گراؤنڈ عزیزآباد میں ایک اہم اور ہنگامی پریس کانفرنس سے خطاب کریں گے ۔ شعبہ اطلاعات کے اعلامیہ کے مطابق قائد تحریک جناب الطاف حسین نے 19، دسمبر 2014ء کو سانحہ پشاورکے شہداء کے لواحقین سے اظہاریکجہتی کے لئے کراچی میں ایک بڑی قومی یکجہتی ریلی سے خطاب کیا تھاجس میں انہوں نے مولانا عبدالعزیز کی گرفتاری ، لال مسجد کو ڈھانے یا جلانے اور مدرسہ حفصہ کو بندکرنے کامطالبہ کیا تھا۔ اس مطالبے پر بعض سیاسی اور مذہبی رہنماؤں ، تجزیہ نگاروں، تاریخ دانوں ، ، اینکرپرسنز اور بعض اکابرین نے شدید اعتراضات کئے ہیں ۔ ایم کیوایم کے قائد جناب الطاف حسین اپنی اس فوری اور ہنگامی پریس کانفرنس میں ان تمام اعتراضات کا جواب دیں گے ۔پریس کانفرنس میں صحافی حضرات کے علاوہ بعض جید علمائے کرام کی شرکت بھی متوقع ہے ۔