ایم کیوایم رابطہ کمیٹی کی ناظم آباد گلبہار سیکٹر کے کارکن مطاہر حسین کے قتل کی مذمت
مطاہر حسین کا قتل ایم کیو ایم کے نظریے کو روکنے کی سازش کا حصہ ہے ، گورنر اور وزیر اعلیٰ قاتلوں کو گرفتار کروائیں ، رابطہ کمیٹی
کراچی ۔۔۔23دسمبر 2014ء
متحد ہ قومی موومنٹ کی رابطہ کمیٹی نے نامعلوم مسلح دہشتگردوں کی فائرنگ کے نتیجے میں ناظم آبادگلبہار سیکٹر کے کارکن مطاہر حسین کی شہادت کی سخت الفاظ میں مذمت کی ہے ۔ایک مذمتی بیان میں رابطہ کمیٹی نے کہا کہ ایم کیوا یم کے کارکنان کو دہشتگردی اور انتہاء پسندی کے خلاف آواز اُٹھانے کی پاداش میں بیدردی سے تواتر کے ساتھ قتل کیا جارہا ہے ۔ انہوں نے کہا کہ مطاہرحسین کا قتل ایم کیوا یم کے نظریے کو روکنے کی ساز ش کا حصہ ہے لیکن اس قسم کی مذمو م کار روائیوں سے جناب الطاف حسین کے بہادر کارکنان کو ڈرایا اور جھکایا نہیں جاسکتا۔ رابطہ کمیٹی نے گورنر سندھ ڈاکٹر عشرت العباد اور وزیراعلیٰ سندھ سید قائم علی شاہ سے مطالبہ کیا کہ وہ مطاہر حسین کے قتل میں ملوث سفاک دہشتگردوں کو فوری گرفتار کرکے قانون کے مطابق سخت سے سخت سزا دیں ۔