ایم کیو ایم ناظم آباد گلبہا ر سیکٹر کے شہید کارکن مطاہر حسین کو وادئ حسین قبرستان میں سپرد خاک کرد یا گیا
شہید کی نماز جنازہ میں ایم کیوا یم رابطہ کمیٹی ، حق پرست اراکین اسمبلی ، کارکنان و عوام کی بڑی تعداد میں شرکت
کراچی ۔۔۔23دسمبر2014ء
متحد ہ قومی موومنٹ ناظم آباد گلبہار سیکٹر کے شہید کارکن مطاہر حسین کی نمازجنازہ رضویہ سوسائٹی امام بارگاہ میں ادا کرنے کے بعد شہید کی تدفین وادئ حسین قبرستا ن میں کر دی گئی ۔ شہید کی نماز جنازہ میں ایم کیوا یم رابطہ کمیٹی کے رکن کہف الوریٰ ، حق پرست اراکین اسمبلی ، مقامی سیکٹر و یونٹس کے ذمہ داران و کارکنان اور اہل علاقہ کی بڑی تعدادمیں شرکت کی ۔اس موقع پر ایم کیو ایم رابطہ کمیٹی کے رکن نے شہید کے اہل خانہ سے فرداً فرداً ملاقات کرکے انہیں جناب الطا ف حسین کی جانب سے تعزیتی پیغام پہنچایا۔ تدفین کے بعد شہیدکے درجات کی بلندی اور ایصال ثواب کیلئے خصوصی دعاکی گئی ۔