مسیح مذہب کے تہوارکرسمس کے موقع پر ایم کیو ایم اقلیتی امور کمیٹی کے وفد کا شہر کے مختلف چرچوں کا دورہ

کراچی ۔۔۔23دسمبر 2014ء

متحدہ قومی موومنٹ کے قائد جناب الطاف حسین کی جانب سے ایم کیوا یم کی اقلیتی امور کمیٹی کے وفد نے کرسمس کے موقع پر شہر کے مختلف چرچز کا دورہ کیا اور مسیح برادری سے تعلق رکھنے والے ہم وطنوں کو کرسمس کے تہوارکی دلی مبارک باد پیش کی ۔ایم کیوا یم کے وفد میں انچارج سید منو رالاسلام و اراکین کمیٹی شامل تھے جنہوں نے گلبرگ ٹاؤن میں گریٹ گاسپل چرچ ، عزیز آباد میں نعمت کالونی میں پادری روبن زر صاحب اور کورنگی میں پادری آئرن جاوید،فادر آشر اور شاہ فیصل میں کیتھولک چرچ کی کمیٹی کے اراکین سے ملاقات کی اور ان سے انتظامی امور اور کرسمس کے حوالے سے تقریبات کی معلومات حاصل کی ۔اس موقع پر چرچ کے بشپس اور اراکین نے جناب الطاف حسین کی درازئ عمر ، صحت و تندرستی کیلئے اپنے مذہبی عقائد کے مطابق خصوصی دعا کی اور وفد کی آمد پر ایم کیوا یم کے اراکین کا شکریہ اداکیا ۔