سانحہ پشاورکے شہداء کوخراج عقیدت پیش کرنے کیلئے ایم کیوایم کے زیراہتمام کل بروزاتوار شام 4بجے لندن میں ٹریفلگر اسکوائر پر یادگاری تقریب منعقد کی جائے گی
یادگاری تقریب میں سانحہ پشاورکے شہداء کوخراج عقیدت پیش کرنے کیلئے شمعیں جلائی جائیں گی
تقریب میں ارکان پارلیمنٹ ،سیاسی وسماجی شخصیات،صحافی،طلبہ وطالبات اوردیگراہم شخصیات شرکت کریں گی
سانحہ پشاورکے شہداء کوخراج عقیدت پیش کرنے کیلئے زیادہ سے زیادہ تعدادمیں شرکت کریں۔ایم کیوایم رابطہ کمیٹی کی لندن، برمنگھم، مانچسٹر،بریڈفورڈ،شیفیلڈ،پیٹربرا اوردیگرشہروں میں آبادپاکستانیوں سے پرذور اپیل
لندن۔۔۔ 20 دسمبر2014ء
سانحہ پشاورکے شہداء کوخراج عقیدت پیش کرنے کیلئے ایم کیوایم کے زیراہتمام اتوار21دسمبرکولندن کے مشہورتفریحی مقام ٹریفلگر اسکوائر پر ایک یادگاری تقریب منعقد کی جائے گی۔ یہ تقریب شام چاربجے ہوگی ۔تقریب میں پشاورمیں درندہ صفت طالبان دہشت گردوں کے ہاتھوں شہیدکئے جانے والے معصوم طلبہ وطالبات،اساتذہ اورعملے کے ارکان کوخراج عقیدت پیش کرنے کیلئے شمعیں جلائی جائیں گی اورشہداء کوخراج عقیدت پیش کیاجائے گا۔ تقریب میں ارکان پارلیمنٹ ،سیاسی وسماجی شخصیات،صحافی ،سول سوسائٹی ،یونیورسٹیوں اورکالجوں کے طلبہ وطالبات اورمختلف شعبوں سے تعلق رکھنے والے افراد شرکت کریں گے۔ دریں اثناء ایم کیوایم رابطہ کمیٹی نے لندن، برمنگھم، مانچسٹر،بریڈفورڈ،شیفیلڈ،پیٹربرا اوردیگرشہروں میں آبادپاکستانیوں سے پرذور اپیل کی ہے کہ وہ سانحہ پشاورکے شہداء کوخراج عقیدت پیش کرنے کیلئے اس یادگاری تقریب میں زیادہ سے زیادہ تعدادمیں شرکت کریں اوردہشت گردوں کے ہاتھوں ہونے شہیدوالے معصوم بچوں،اساتذہ اورعملے کوخراج عقیدت پیش کریں اوران کے سوگوارلواحقین سے یکجہتی کااظہارکریں۔