ایم کیوایم فیڈرل بی ایریاسیکٹرکے کارکن سیدعدنان رضاکی المناک شہادت پرایم کیوایم کے قائدالطاف حسین کااظہارمذمت
ایم کیوایم کے کارکنان کے پے درپے قتل کے واقعات پردل خون کے آنسورورہاہے،الطاف حسین
عدنان رضاشہیدکے سوگوارلواحقین سے اظہارتعزیت،شہیدکی مغفرت ،درجات کی بلندی اورلواحقین کے صبرجمیل کے لئے الطاف حسین کی دعا
لندن:۔۔۔19؍دسمبر2014ء
متحدہ قومی موومنٹ کے قائدجناب الطاف حسین نے ٹارگٹ کلنگ کے واقعے میں ایم کیوایم فیڈرل بی ایریاسیکٹریونٹ154کے کارکن سیدعدنان رضاکی المناک شہادت پر گہرے رنج وغم اورمذمت کااظہار کیا ہے۔ایک بیان میں جناب الطاف حسین نے سیدعدنان رضاکے قتل کی شدیدالفاظ میں مذمت کرتے ہوئے کہاکہ ایم کیوایم کے کارکنان کے پے درپے قتل کے واقعات لمحہ فکریہ ہے جس پرمیراپردل خون کے آنسورورہاہے ۔انہوں نے عدنان رضاشہیدکے تمام سوگوارلواحقین سے دلی تعزیت وہمدردی کااظہار کیا اور کہاکہ دکھ اور افسوس کی اس گھڑی میں مجھ سمیت ایم کیوایم کے تمام کارکنان آپ کے غم میں برابرکے شریک ہیں۔جناب الطاف حسین نے دعاکی کہ اللہ تعالیٰ عدنان رضاشہید کو اپنی جواررحمت میں اعلیٰ مقام عطافرمائے اورسوگوارلواحقین کوصبر جمیل عطاکرے۔(آمین)