رابطہ کمیٹی کے رکن گلفراز خان خٹک کی عثمان احمد بلور کے انتقال پر ان کی رہائشگاہ جاکر اے این پی کے رہنما غلام احمد بلور اور سوگوار لواحقین سے تعزیت

پشاور ۔۔۔17، دسمبر2014ء 

متحد ہ قو می مومنٹ کی رابطہ کمیٹی کے رکن گلفراز خا ن خٹک ، ایم کیوایم خیبر پختونخوا کے صدر بیرسٹر محمد علی سیف ،حق پرست اراکین قومی اسمبلی آصف ، حسنین ، سا جد احمداور عبد الوسیم نے پشاور میں عوامی نیشنل پارٹی کے شہید رہنما بشیر احمد بلور کے صاحبزادے عثمان احمد بلور کے انتقال پران کی رہائشگاہ جاکر اے این پی کے رہنما غلام احمد بلور اور دیگر سوگوار لواحقین سے دلی تعزیت وہمدردی کااظہار کیا ۔اس موقع پر ایم کیوایم خیبرپختونخوا صوبائی تنظیمی کمیٹی کے رکن ڈاکٹر نوبت خان ، پشاور ڈسٹرکٹ کے انچارج و اراکین ان کے ہمراہ تھے ۔ ایم کیوایم کے رہنماؤں نے غلام احمد بلور سے عثمان احمد بلور کے انتقال پر جناب الطاف حسین کی جانب سے گہرے دکھ اور افسوس کااظہا رکیا اور مرحوم کے بلند درجات کیلئے اللہ تعالیٰ کے حضور دعا کی ۔