ایم کیوایم کے تحت آج ملک بھر میں زونز ، سیکٹر اور ضلعی سطح پرسانحہ پشاور کے شہداء کی غائبانہ نماز جنازہ ادا کی جائے گی اور شہداء کے ایصال ثواب کیلئے قرآن و فاتحہ خوانی کے اجتماعات منعقد ہوں گے

کراچی ۔۔۔17، دسمبر2014ء 

متحدہ قومی موومنٹ کے زیراہتمام آج ملک بھر میں زون، سیکٹرز اور ضلعی سطح پرسانحہ پشاور کے شہداء کی غائبانہ نماز جنازہ ادا کی جائے گی اور شہداء کے ایصال ثواب کیلئے قرآن خوانی وفاتحہ خوانی کے اجتماعات بعد نماز ظہر تا عصر منعقد ہوں گے ۔غائبانہ نما زجنازہ اور قرآن خوانی و فاتحہ خوانی کا مرکزی اجتماع ایم کیوایم کے مرکز نائن زیرو سے متصل لا ل قلعہ گراؤنڈ عزیز آبادمیں بعد نماز ظہر تا عصر منعقد ہوگااس سلسلے میں صوبہ سندھ ، بلوچستان ، پنجاب ، خیبرپختونخوا ، گلگت بلتستان اور آزاد کشمیر میں ایم کیوایم کے دفاتر پر بھی سانحہ پشاور کے شہداء کی غائبانہ نمازجنازہ ادا کی جائیں گی اور قرآن و فاتحہ خوانی کے اجتماعات منعقد کئے جائیں جبکہ شہداء کے لواحقین سے اظہا ریکجہتی کیلئے بعد نماز مغرب زونز ، سیکٹرز اور ضلعی سطح پر ملک بھر میں ایم کیوایم کے دفاتر پر شمعیں بھی روشن کی جائیں گی ۔