حق پرست رکن قومی اسمبلی ڈاکٹر خالد مقبول صدیقی ، ایم کیوایم خیبر پختونخوا کے صدر بیرسٹر محمد علی سیف ، ایم کیوایم پنجاب کے صدر میاں عتیق کی پشاور لیڈی ریڈنگ اسپتال میں سانحہ پشاور کے زخمیوں کی عیادت
ایم کیوایم کے وفد کا سانحہ پشاور کے شہداء کے لواحقین سے قائد تحریک جناب الطاف حسین کی جانب سےدلی تعزیت اورزخمیوں کے اہل خانہ سے ہمدردی کااظہار
لیڈی ریڈنگ اسپتال میں زخمیوں کیلئے خون کے عطیات دینے پر ایم کیوایم پشاور کے ذمہ داران و کارکنان کو ایم کیوایم کےوفد نے جناب الطاف حسین کی جانب سے ان کے جذبہ کو سراہا
سانحہ پشاور قومی سانحہ ہے اور اب پوری قوم کو دہشت گردی کے خلاف متحد ہوجانا چاہئے، ڈاکٹر خالد مقبول صدیقی کی میڈیا سے گفتگو
پشاور ۔۔۔16، دسمبر2014ء
متحدہ قومی موومنٹ کے حق پرست رکن قومی اسمبلی ڈاکٹر خالد مقبول صدیقی ، ایم کیوایم خیبر پختونخوا کے صدر بیرسٹر محمد علی سیف ، ایم کیوایم پنجاب کے صدر میاں عتیق نے پشاور لیڈی ریڈنگ اسپتال کا دورہ کیا اور سانحہ پشاور کے زخمیوں کی عیادت کی ۔ اس موقع پر ایم کیوایم پشاور ڈسٹرکٹ کے انچارج و اراکین بھی ان کے ہمراہ تھے ۔ ایم کیوایم کے وفد نے سانحہ پشاور کے شہداء کے لواحقین سے قائد تحریک جناب الطاف حسین کی جانب سے دلی تعزیت اورزخمیوں کے اہل خانہ سے ہمدردی کااظہار کیا ۔ ایم کیوایم کے وفد نے لیڈی ریڈنگ اسپتال میں سانحہ پشاور کے زخمیوں کیلئے بڑی تعداد میں خون کے عطیات دینے پرایم کیوایم پشاور ڈسٹرکٹ کے ذمہ داران و کارکنان کو قائد تحریک جناب الطاف حسین کی جانب سے ان کے جذبہ کو سراہا ۔ایم کیوایم کے وفد کے لیڈی ریڈنگ اسپتال کے دورہ کے بعد حق پرست رکن قومی اسمبلی ڈاکٹر خالد مقبول صدیقی نے میڈیا کے نمائندگان سے گفتگو کرتے ہوئے کہاکہ سانحہ پشاور قومی سانحہ ہے اور اب پوری قوم کو دہشت گردی کے خلاف متحد ہوجانا چاہئے ۔ انہوں نے کہاکہ قومی سطح پر تمام معاملات کو چھوڑ کر دہشت گردی کے حوالے سے فوری طور پرقو می پالیسی تشکیل دی جائے اور دہشت گردی کا مکمل خاتمہ کیاجائے ۔ ڈاکٹر خالد مقبول صدیقی نے کہا کہ خیبر پختونخوا برسوں سے دہشت گردی کا شکار ہے اور خیبرپختونخوا کی حکومت کیلئے صوبے میں دہشت گردی کے خاتمے کیلئے اب سنجیدہ ٹھوس اور عملی اقدامات ناگزیر ہوچکے ہیں ۔