ایم کیوایم کے زیراہتمام سانحہ قصبہ علیگڑھ اورسقوط ڈھاکہ کے شہداء کی برسی انتہائی عقیدت واحترام سے منائی جائیگی
برسی کے سلسلے میں ملک بھرمیں قائم ایم کیوایم کے صوبائی،ضلعی اورزونل دفاترمیں قرآن خوانی وفاتحہ خوانی کے اجتماعات منعقدکیے جائیں گے
مرکزی اجتماع لال قلعہ گراؤنڈعزیزآبادمیں ہوگا،جس میں رابطہ کمیٹی،حق پرست نمائندے،شعبہ جات ،سیکٹرویونٹ کے ذمہ داران ،کارکنان اورحق پرست عوام شرکت کریں گے
کراچی۔۔۔15دسمبر2014ء
متحدہ قومی موومنٹ کے زیراہتمام سانحہ14دسمبر قصبہ علیگڑھ اورسانحہ16دسمبرسقوط ڈھاکہ کے شہداء کی برسی انتہائی عقیدت واحترام سے منائی جائیگی اورشہداء کوزبردست خراج عقیدت و سلام عقیدت پیش کیاجائیگا۔ اس سلسلے میں ملک بھرمیں قائم ایم کیوایم کے صوبائی، ضلعی اورزونل دفاترمیں ظہر تا عصر اجتماعات منعقدکیے جائیں گے جس میں شہداء کے ارواح کے ایصال ثواب کے لئے قرآن خوانی وفاتحہ خوانی کی جائیگی۔اس سلسلے کامرکزی اجتماع لال قلعہ گراؤنڈعزیز آباد میں منعقدہوگاجس میں اراکین رابطہ کمیٹی ،حق پرست عوامی نمائندے،ایم کیوایم کے ونگرزوشعبہ جات کے ارکان،سیکٹرزویونٹ کمیٹیوں کے ذمہ داران ، کارکنان اورحق پرست عوام شرکت کرینگے۔