نیوزی لینڈ کے خلاف شاندار کامیابی پر قومی کرکٹ ٹیم کو جناب الطاف حسین کی مبارک باد

لندن ۔۔۔14دسمبر 2014ء

متحدہ قومی موومنٹ کے قائدجناب الطاف حسین نے قومی کرکٹ ٹیم کو شارجہ میں نیوزی لینڈ کے خلاف شاندار کامیابی پر کھلاڑیوں اور انتظامیہ کو مبارک باد پیش کی ہے ۔ ایک بیان میں جناب الطا ف حسین نے کہا کہ قومی کرکٹ ٹیم نے میچ میں جس شاندار کارکردگی کا مظاہرہ کیا ہے اس پر ٹیم کا ایک ایک کھلاڑی شاباش اور مبارک باد کا مستحق ہے ۔انہوں نے کہا کہ ٹیم کی کامیابی سے پوری قوم کو بے انتہاء خوشی ملی ہے اور آج جس طرح سے پاکستان ہاکی ٹیم نے چاندی کا تمغہ جیتا اس سے ایسا لگتا ہے جیسے آ ج پاکستانیوں کا دن تھا۔ انہوں نے امید کا اظہار کرتے ہوئے کہا کہ مستقبل میں بھی کرکٹ ٹیم اسی طرح کامیابیوں کے جھنڈے گاڑہتی رہیگی اور سیریز یں فتح حاصل کرکے ملک و قوم کو تحفہ دیگی۔ جناب الطاف حسین نے دعا کی کہ اللہ تعالیٰ پاکستان کو اسی طرح کامیابیوں سے ہمکنار کرتا رہے۔