سلور لائٹ ویلٹر ویٹ مقابلے میں پاکستانی نژاد برطانوی باکسر عامر خان کو شاندار کامیابی پر جناب الطاف حسین کی مبارکباد
باکسر عامر خان کی کامیابی پاکستانی قوم کی فتح ہے ، الطاف حسین
لندن۔۔۔14، دسمبر2014ء
متحدہ قومی موومنٹ کے قائد جناب الطاف حسین نے لاس ویگاس میں سلور لائٹ ویلٹر ویٹ مقابلے میں پاکستانی نژاد برطانوی باکسر عامر خان کو شاندار کامیابی پر دلی مبارکباد پیش کی ہے ۔ ایک بیان میں انہوں نے کہاکہ عامر خان کی کامیابی پاکستانی قوم کی فتح ہے ،عامر خان اس سے قبل بھی باکسنگ کے کئی مقابلوں میں اپنی صلاحیتوں کا منوا کر اور شاندار کامیابیاں حاصل کرکے پاکستان سمیت دنیا بھر میں مقیم پاکستانیوں کا سر فخر سے بلند کرتے چلے آئے ہیں ۔ جناب الطاف حسین نے سلور لائٹ ویلٹر ویٹ مقابلے میں عامر خان کی شاندار فتح پر قوم کو بھی دلی مبارکباد پیش کی ۔