چیمپئنزٹرافی ہاکی ٹورنامنٹ کے سیمی فائنل میں بھارت کے خلاف شاندارکامیابی پر پاکستان ہاکی ٹیم کے کپتان عمران، تمام کھلاڑیوں،چیف کوچ شہنازشیخ ، چیف سلیکٹراصلاح الدین ،تمام آفیشلز اورپوری قوم کوالطاف حسین کی زبردست مبارکباد
پاکستانی کھلاڑیوں نے بھارت کے خلاف شاندار کھیل پیش کرکے اورزبردست کامیابی حاصل کرکے قوم کاسرفخر سے بلند کردیاہے۔الطاف حسین
امیدہے تمام کھلاڑی اسی طرح ٹیم ورک سے کام کرکے ہاکی میں پاکستان کاکھویاہواوقار بحال کریں گے۔الطاف حسین
میری دعاہے کہ اللہ تعالیٰ پاکستان کو چیمپئنز ٹرافی کے فائنل میں کامیابی سے ہمکنارفرمائے ۔الطاف حسین
لندن۔۔۔ 13 دسمبر2014ء
متحدہ قومی موومنٹ کے قائدجناب الطا ف حسین نے چیمپئنزٹرافی ہاکی ٹورنامنٹ کے سیمی فائنل میں بھارت کے خلاف شاندارکامیابی حاصل کرنے پر پاکستان ہاکی ٹیم کے کپتان عمران، ٹیم کے تمام کھلاڑیوں،چیف کوچ شہنازشیخ ، چیف سلیکٹراصلاح الدین اورتمام آفیشلز اورپوری قوم کودل کی گہرائیوں سے زبردست مبارکبادپیش کی ہے۔ اپنے ایک بیان میں جناب الطاف حسین نے کہاکہ پاکستان ہاکی ٹیم کے کھلاڑیوں نے سیمی فائنل میں بھارت کے خلاف شاندار کھیل پیش کرکے اورزبردست کامیابی حاصل کرکے اوربھارت کوبھارتی سرزمین پر شکست دینے کاوعدہ پوراکرکے قوم کاسرفخر سے بلندکردیاہے۔ جناب الطاف حسین نے امیدظاہرکی کہ پاکستان ہاکی ٹیم کے تمام کھلاڑی اسی طرح ٹیم ورک سے کام کرکے ہاکی میں پاکستان کاکھویاہواوقار بحال کریں گے ۔انہوں نے دعاکی کہ اللہ تعالیٰ پاکستان کو چیمپئنز ٹرافی کے فائنل میں کامیابی سے ہمکنارفرمائے ۔