ایم کیوایم کے وفود کی کراچی سمیت ملک بھر میں سید الشہدا حضرت امام حسینؓ اورشہدائے کربلاکے چہلم کے مرکزی جلوسوں میں شرکت وفود نے مرکزی جلوسوں کے منتظمین سے ملاقات کی اور جناب الطاف حسین کا خصوصی پیغام پہنچایا

کراچی ۔۔۔۔13دسمبر2014ء

شہرمیں مذہبی رواداری کے قیام ،فرقہ وارانہ ہم آہنگی کے فروغ اوربھائی چارگی برقراررکھنے کے لئے ایم کیوایم کے قائدجناب الطاف حسین کی ہدایت پر متحدہ قومی موومنٹ کی رابطہ کمیٹی کے ارکان عارف خان ایڈووکیٹ اورگلفرازخان خٹک کے ہمراہ ایم کیوایم کے نمائندہ وفدنے کراچی میں سید الشہدا حضرت امام حسینؓاورشہدائے کربلاکے چہلم کے موقع پرنکلنے والے مرکزی جلوس میں شرکت کی اورجلوس کے منتظمین سے ملاقات کرکے انہیں قائدتحریک الطاف حسین کاخصوصی پیغام پہنچایااورجلوس کی قیادت کرتے ہوئے انتظامات کاجائزہ لیا۔ایم کیوایم کے وفدمیں حق پرست ارکان قومی و صوبائی اسمبلی ،ڈاکٹرصغیر احمد ، انور رضا ،ایم کیوایم علماء کمیٹی کے انچارج جاوید احمد و اراکین کے علاوہ سیکٹرزیونٹ کمیٹی کے عہدیداران بھی شامل تھے۔چہلم کامرکزی جلوس شاہ خراساں سے برآمدہواجوایم اے جناح ؒ روڈسے ہوتاہوا امام بارگاہ حسینیہ ایرانیہ پراختتام پذیرہوااس موقع پررابطہ کمیٹی کے ہمراہ وفدکے ارکان جلوس کے ساتھ رہے اور انہوں نے مغرب کی نمازجلوس کے شرکاء کے ساتھ اداکی۔بعدازاں انہوں نے جلوس کے راستے میں مختلف عزاداران تنظیم کی جانب سے لگائے گئے کیمپوں کا دورہ کیا اور عزاداران کوطبّی سہولیات کی فراہمی کاجائزہ لیا۔کراچی کی طرح اندرون سندھ کے تمام شہروں،صوبہ پنجاب،خیبرپختونخواہ،بلوچستان،گلگت بلتستان اورآزادکشمیرکے مختلف اضلاع سے نکلنے والے سیدالشہداحضرت امام حسینؓ کے چہلم کے موقع پرنکلنے والے مرکزی جلوسوں میں ایم کیوایم کے مقامی ذمہ داران نے شرکت کی اورجلوس کمیٹیوں کے عہدیداران سے ملاقات کرکے انہیں ایم کیوایم کے قائدجناب الطاف حسین کاپیغام پہنچایااورمکمل تعاون کی یقین دہانی کرائی۔