حضرت امام حسینؓ اوراہل بیت کی لازوال قربانی تمام انسانیت کیلئے مشعل راہ ہے۔ الطاف حسین

لندن۔۔۔ 12 دسمبر2014ء

متحدہ قومی موومنٹ کے قائدجناب الطاف حسین نے کہاہے کہ حضرت امام حسینؓ اوراہل بیت کی لازوال قربانی تمام انسانیت کیلئے مشعل راہ ہے۔ سیدالشہداحضرت امام حسینؓ اورشہدائے کربلاکے چہلم کے موقع پر اپنے ایک بیان میں انہوں نے کہاکہ شہدائے کربلا نے میدان کربلامیں اپنے لہوسے حق پرستی اورتسلیم ورضاکی ایسی تاریخ رقم کی ہے جورہتی دنیاتک حق کی راہ پرچلنے والوں کیلئے مشعل راہ کی حیثیت سے زندہ رہے گی۔ جناب الطا ف حسین نے چہلم کے موقع پر تمام فقہوں اورمسالک سے تعلق رکھنے والے عوام سے اپیل کی کہ وہ فرقہ وارانہ ہم آہنگی برقراررکھیں، اتحادویکجہتی کامظاہرہ کریں۔ جناب الطاف حسین نے ایم کیوایم کی علماء کمیٹی کوبھی ہدایت کی کہ وہ چہلم کے موقع پرنکالے جانے والے جلوسوں میں بھرپورتعدادمیں شرکت کریں اورفرقہ وارانہ ہم آہنگی اوراتحادویکجہتی کے فروغ کے سلسلے میں اپنابھرپورکرداراداکریں۔