ایم کیوا یم آسٹریلیا کا سیالکوٹ میں باؤ محمد انور کے قتل کے خلاف ملبورن میں پرہجوم احتجاجی مظاہرہ ،ایم کیو ایم آسٹریلیا

آسٹریلیا ۔۔۔12دسمبر2014ء

ایم کیوا یم آسٹریلیا کی جانب سے سیالکوٹ میں ایم کیو ایم کے نائب صدر باؤ محمد انور کے قتل کے خلاف آسٹریلیا کے شہر ملبورن میں بڑااحتجاجی مظاہرہ کیا گیا ۔ احتجاجی مظاہرے کے شرکا ء نے ہاتھوں میں پنجاب حکومت کے خلاف مذمتی پلے کارڈز اور بینزر آویزاں کئے ہوئے تھے۔اس موقع پر احتجاجی مظاہرہ سے خطاب کرتے ہوئے ایم کیو ایم ملبورن یونٹ کے انچارج ثاقب رضوان نے پنجاب حکومت سے مطالبہ کیا کہ وہ پنجاب میں کارکنان کے قتل کا فوری نوٹس لیں اور بالخصوص خاتون حق پرست رکن اسمبلی طاہرہ آصف اورسیالکوٹ ڈسٹرکٹ کے نائب صدرباؤ محمد انورکے قاتلوں کو فوری گرفتارکرکے انہیں قرار واقعہ سزا دیں ، انہوں نے اپنے خطاب میں پنجاب کی صوبائی حکومت کو سخت تنقید کا نشانہ بنایا اور ان سے کارکنان کو تحفظ فراہم کرنے کا مطالبہ کیا۔ اس موقع پر ایم کیو ایم آسٹریلیا کے ذمہ
داران، کارکنان اور آسٹریلیا میں مقیم پاکستانی کمیونٹی کے افراد نے بڑی تعداد میں شرکت کی ،