ایم کیو ایم کے وفد کی داتا گنج بخش علی ہجویری ؒ کے عرس میں شرکت ، جناب الطاف حسین کی جانب سے چادر چڑھائی اور دعا کی
لاہور ۔۔۔12دسمبر2014ء
متحدہ قومی موومنٹ کے وفد نے جناب الطاف حسین کی جانب سے حضرت داتا گنج بخش علی ہجویری ؒ کے عرس کی تقریبات میں شرکت کی اور مزار پر حاضری دی ۔ وفد میں ایم کیوایم پنجاب کے صدر میاں عتیق، درگاہ نظام الدین اولیاء کے گدی نشین ناظم الدین ،ایم کیوایم کی سینٹرل ایگزیکٹو کونسل کی رکن بسمہ آصف سکھیرا، صوبائی تنظیمی کمیٹی کے انچارج ارشاد ظفیر، حق پرست اراکین اسمبلی ساجد احمد ، وسیم احمد ، ایم کیوایم سینٹرل پنجاب کے صدر عامر بلوچ و دیگر انکے ہمراہ تھے ۔اس موقع پر وفد نے مزار پر چادر چڑھائی، فاتحہ خوانی کی اور پھول چڑھائے۔