باؤ محمد انور شہید کے قتل کے خلاف اتحاد کے ساتھ احتجاجی مظاہرے منعقد کرنے پر ملک بھر بالخصوص کراچی میں سیکٹرز ذمہ داران، کارکنان اور عوام کو جناب الطاف حسین کا زبردست خراج تحسین
اگر اسی طرح اتحاد و یکجہتی ، ذمہ داری اور فعالیت کے ساتھ کام کیا جاتا رہا تو ایک روز ایم کیو ایم کے پرچم تلے حق پرست عوام کا انقلاب ضرور آئے گا، الطاف حسین
کراچی اور انٹرنیشنل سیکریٹریٹ لندن میں راؤ محمد انور کے سفاکانہ قتل کی مذمت اور تعزیتی پیغامات ارسال کرنے والے عوام کا تہہ دل سے شکریہ ادا کرتا ہوں، الطاف حسین
لندن ۔۔۔10دسمبر2014ء
متحدہ قومی موومنٹ کے قائد الطاف حسین نے پاکستان میں ایم کیوایم کے تمام کارکنان بالخصوص کراچی کے تمام سیکٹرز کے ذمہ داران اور کارکنان کو ڈسٹرکٹ سیالکوٹ کے نائب صدر باؤ محمد انور کے سفاکانہ قتل کے خلاف حریت اور اتحاد کے جذبے کے ساتھ احتجاجی مظاہرے منعقد کر نے پر تمام کارکنان اور عوام کو زبردست خراجِ تحسین پیش کیا ہے۔ ایک بیان میں جناب الطاف حسین نے کہاکہ اگر اسی طرح اتحاد و یکجہتی ، ذمہ داری اور فعالیت کے ساتھ کام کیا جاتا رہا تو ایک دن ایم کیو ایم کے پرچم تلے حق پرست عوام کا انقلاب ضرور آئے گے،شہیدوں کی قربانیاں ضرور رنگ لائیں گی ۔ انہوں نے پاکستان سمیت دنیا بھر سے باؤ محمد انور شہید کی تعزیت کیلئے کراچی اور لندن انٹر نیشنل سیکریٹریٹ میں فون، فیکس اورای میل کے ذریعے لوگوں کی جانب سے قتل کی مذمت اور تعزیتی بیان بھیجنے پر عوام کا تہہ دل سے شکریہ ادا کیا ہے ۔
وڈیو