ایم کیوایم سیالکوٹ کے نائب صدر باؤمحمدانورکومسلح دہشت گردوں نے فائرنگ کرکے شہیدکردیا

سیالکوٹ۔۔۔10 دسمبر2014ء

متحدہ قومی موومنٹ سیالکوٹ کے نائب صدرباؤانورکومسلح دہشت گردوں نے فائرنگ کرکے شہیدکردیا۔ابتدائی اطلاعات کے مطابق محمد انور منگل کی شب سیالکوٹ کے علاقے شہاب پورہ روڈ پر اپنے ریسٹورینٹ کے باہراپنے بھائیوں محمدعابد،محمدشبیر اوربیٹے سلطان حامد کے ساتھ کھڑے تھے کہ موٹرسائیکل پر سوارتین مسلح دہشت گردوہاں پہنچے اورباقاعدہ شناخت کرکے محمدانورپرفائرنگ کی اورفرارہوگئے ۔ محمدانورکوکئی گولیاں لگیں جس کے باعث وہ زخموں کی تاب نہ لاتے ہوئے شہید ہوگئے ۔فائرنگ سے محمدانورشہیدکے دوملازم منیراوریونس بھی زخمی ہوگئے ۔ عینی شاہدین کے مطابق جائے وقوعہ کے قریب ہی پولیس اہلکار کھڑے تھے تاہم انہوں نے مسلح دہشت گردوں کے خلاف کوئی کارروائی نہیں کی اوردہشت گرد موقع سے فرارہوگئے ۔واقعہ کی اطلاع ملتے ہی ایم کیوایم سیالکوٹ ڈسٹرکٹ کے صدرعابدگجر، دیگرذمہ داران اورکارکنان اسپتال پہنچ گئے جواس واقعہ پر صدمے سے نڈھال تھے ۔باؤانورشہیدسیالکوٹ میں ایم کیوایم کے سینئرکارکن تھے اورنائب صدر کی حیثیت سے خاصے سرگرم تھے ۔ باؤانورشہید کی عمر50سال تھی ۔ ان کے پسماندگان میں پانچ بیٹیاں اوردوبیٹے شامل ہیں۔