ایم کیوایم سیالکوٹ ڈسٹرکٹ کے نائب صدرباؤمحمدانورکے بہیمانہ قتل پر علی الصبح ایم کیوایم کی رابطہ کمیٹی کاہنگامی تعزیتی اجلاس
اجلاس میں باؤمحمدانورکی شہادت کے سانحہ کی مذمت،لواحقین سے اظہار تعزیت اور شہیدکے ایصال ثواب کیلئے فاتحہ خوانی
نوازشریف کی موجودہ حکومت ایم کیوایم کے کارکنوں کی ٹارگٹ کلنگ اورشہادت کے خلاف بھرپور احتجاج کاسامنا
کرنے کے لئے تیارہوجائے۔رابطہ کمیٹی کی متفقہ قرارداد
عوام خصوصاً غریب کارکنان کھانے پینے کی اجناس کاذخیرہ جمع کرلیں ، ہم یاتوخودختم ہوجائینگے یاحکومت کوختم کردینگے ۔ رابطہ کمیٹی
کراچی۔۔۔ 10 دسمبر2014ء
متحدہ قومی موومنٹ کی رابطہ کمیٹی نے منگل کورات گئے ایم کیوایم سیالکوٹ ڈسٹرکٹ کے نائب صدرباؤمحمدانورکے بہیمانہ قتل پر بدھ کوعلی الصبح اپناہنگامی تعزیتی اجلاس کیا۔اجلاس میں باؤمحمدانورکی شہادت کے سانحہ کی مذمت کی گئی اورلواحقین سے تعزیت کااظہارکیااورباؤمحمدانورشہیدکے ایصال ثواب کے لئے فاتحہ خوانی کی ۔اجلاس میں متفقہ طورپرقراردادمنظورکی گئی کہ نوازشریف کی موجودہ حکومت ایم کیوایم کے کارکنوں کی ٹارگٹ کلنگ اورشہادت کے خلاف بھرپور احتجاج کاسامنا کرنے کے لئے تیارہوجائے۔رابطہ کمیٹی نے عوام خصوصاً غریب کارکنان سے اپیل کی کہ وہ کھانے پینے کی اجناس کاذخیرہ جمع کرلیں کیونکہ ہم 100دن کی ہڑتال کرنے والے نہیں بلکہ ہم یاتوخودختم ہوجائیں گے یاحکومت کوختم کردیں گے۔