اینکرپرسن حق وسچ بولیں اورقوم کوبتائیں کہ پاکستان کی تاریخ میں ایم کیوایم نے سب سے پہلے غریب ومتوسط طبقے کے پڑھے لکھے اورباصلاحیت نوجوانوں کواسمبلیوں میں بھیجا،الطاف حسین
کراچی:۔۔۔09؍دسمبر2014ء
متحدہ قومی موومنٹ کے قائدجناب الطاف حسین نے یومِ شہداء کے موقع پراپنے خطاب میں ملک بھرکے دانشوروں،صحافی ،تجزیہ نگاراوراینکرپرسنزسے شکوہ کرتے ہوئے کہاکہ وہ سچ بولیں اورقوم کوبتائیں کہ غریب ومتوسط طبقے سے تعلق رکھنے والے پڑھے لکھے اورباصلاحیت نوجوانوں کوکس جماعت نے اسمبلیوں میں جاگیرداروں اوروڈیروں کے برابر بیٹھایا ۔ انہوں نے کہاکہ آج اس بات کا راگ الاپنے والے کہ پاکستان تحریک انصاف نے سب سے پہلے نوجوانوں کو اسمبلیوں میں بھیجا ااور ملک میں رائج فرسودہ نطام کے خلاف آواز اُٹھائی اس بات کو عوام کو کیوں نہیں بتاتے کہ ایم کیو ایم واحدجماعت ہے جس نے پاکستان کی تاریخ میں سب سے پہلے گنے کی مشین پر کام کرنے والے، رکشہ چلانے اور ٹیکسی ڈرائیورگریجویٹ نوجوانوں کومنتخب کرا کر اسمبلیوں میں بھیجا اور67سال سے ملک میں قائم فرسودہ جگیر دارانہ اور وڈیرانہ نظام کے خاتمے کیلئے عملی جدوجہد کی۔
YoumeShuhadaMQM#