پی ٹی آئی کے کارکنان کی شہادت پر ہم سوگوار اہل خانہ کے غم میں برابر کے شریک ہیں، جوائنٹ انچارج شعبہ اطلاعات انٹرنیشنل سیکریٹریٹ قاسم علی رضا ، ارشد حسین

لندن ۔۔8دسمبر 2014ء

متحدہ قومی موومنٹ کے شعبہ اطلاعات انٹرنیشنل سیکریٹریٹ کے جوائنٹ انچارج قاسم علی رضا او رارشد حسین نے فیصل آباد میں پی ٹی آئی کے کارکنان کی شہادت پر گہرے دکھ اور افسوس کا اظہار کرتے ہوئے کہا ہے کہ ہم سوگوارن کے غم میں برابر کے شریک ہیں اور ہمیں بھی اتنا ہی غم ودکھ ہوا ہے جتنا کہ پی ٹی آئی کے رہنماؤں کو ہوا ہے۔ اپنے مشترکہ بیان میں انہوں نے کہا کہ کاش پی ٹی آئی کے رہنماؤں کی جانب سے ایم کیوایم کے خلاف ہونے والے آپریشن اور اس کے د وران 15ہزار سے زائد کارکنان کوجن میں جناب الطاف حسین کے 66سالہ بڑے بھائی ناصر حسین اور جواں سال بھتیجے عارف حسین بھی شامل ہیں کو ماورائے عدالت کیا گیا مگرPTI کے رہنماؤں کی جانب سے اس ظلم وبربریت کی نہ تو مذمت کی گئی اور نہ ہی شہداء کے سوگوارن اور ایم کیوایم کی قیادت سے تعزیت کرنا گوارا کیا۔ انہوں نے کہا کہ افسو س کی بات یہ ہے کہ الٹا ایم کیوایم کو دہشت گرد تنظیم اور مظلوم کارکنان کو دہشت گرد قر ار دیا جاتا رہا جس سے ہزاروں شہداء کے سوگواران کی نہ صرف دل آزاری ہوئی بلکہ شہداء کے لہو کا بھی مذاق اڑایا گیا ۔ قاسم علی رضااور ارشد حسین نے پی ٹی آئی کے شہید کارکنان کیلئے دعا کی کہ اللہ تعالیٰ شہداء کو جنت الفر دوس میں جگہ عطا فرمائے اور سوگوارا ن کو صبر وجمیل کی توفیق دے ۔آمین