فیصل آباد میں فائرنگ سے تحریک انصاف کے ایک کارکن کے جاں بحق ہونے پرایم کیوایم کی رابطہ کمیٹی کے رکن مصطفےٰ عزیزآبادی کا اظہار افسوس
موجودہ حکومت کے دور میں ایم کیوایم کے کئی کارکنوں کو بدترین تشدد کا نشانہ بنا کر شہید کردیا گیا لیکن تحریک انصاف کے کسی رہنما کو تعزیت کی توفیق نہ ہوئی، مصطفےٰ عزیزآبادی
آپریشن کے نام پرظلم و بربریت کے پہاڑ توڑ ڈالے گئے لیکن تحریک انصاف کے تمام رہنما خاموشی سے یہ سب ظلم ہوتا دیکھتے رہے۔ مصطفےٰ عزیزآبادی
لندن۔۔۔ 8 دسمبر2014ء
متحدہ قومی موومنٹ کی رابطہ کمیٹی کے رکن مصطفےٰ عزیزآبادی نے فیصل آبادمیں احتجاج کے دوران فائرنگ سے تحریک انصاف کے ایک کارکن کے جاں بحق ہونے پر دلی افسوس کا اظہار کیا ہے۔ اپنے ایک بیان میں انہوں نے کہاکہ اسی موجودہ حکومت کے دورمیں ایم کیوایم کے کئی کارکنوں کوبدترین تشدد کا نشانہ بنا کرشہید کردیا گیا، آپریشن کے نام پرظلم وبربریت کے پہاڑ توڑ ڈالے گئے لیکن افسوس کہ تحریک انصاف کے تمام رہنما خاموشی سے یہ سب ظلم ہوتا دیکھتے رہے اوران کے کسی رہنما کو ہمدردی اور تعزیت کے دولفظ تک کہنے کی توفیق نہ ہوئی ۔