شاعرانقلاب جوش ملیح آبادی محروم ومظلوم عوام کی آوازتھے۔الطاف حسین
جوش صاحب نے اپنی انقلابی شاعری کے ذریعے معاشرے میں پائی جانے والے طبقاتی فرق کے خاتمہاور مظلوم ومحروم کے حقوق کیلئے آوازبلندکی
جوش ملیح آبادی کی شاعری آج بھی محروم ومظلوم کے لئے فکروشعوراورجوش وجذبے کی علامت ہے شاعرانقلاب جوش ملیح آبادی کی برسی پر قائدتحریک الطاف حسین کا بیان
لندن۔۔۔5دسمبر 2014ء
متحدہ قومی موومنٹ کے قائدجناب الطاف حسین نے کہاہے کہ پاکستان کے ممتازشاعر جوش ملیح آبادی محروم ومظلوم عوام کی آوازتھے۔ شاعرانقلاب جوش ملیح آبادی کی برسی پر اپنے ایک بیان میں انہوں نے مرحوم کوخراج عقیدت پیش کرتے ہوئے کہا کہ جوش صاحب نے اپنی انقلابی شاعری کے ذریعے معاشرے میں پائی جانے والے طبقاتی فرق کے خاتمہ اور ظلم کی چکی میں پسے ہوئے مظلوم ومحروم کے حقوق کیلئے آوازبلندکی یہی وجہ ہے کہ وہ شاعرانقلاب کہلائے اورآج بھی شعروادب سے دلچسپی رکھنے والوں کے درمیان زندہ ہیں ۔جوش ملیح آبادی کی شاعری آج بھی محروم ومظلوم کے لئے فکروشعوراورجوش وجذبے کی علامت ہے۔ جناب الطاف حسین نے دعاکی کہ اللہ تعالیٰ جوش ملیح آبادی مرحوم کی مغفرت فرمائے اورمرحوم کوجنت الفردوس میں جگہ دے ۔