دفاعی نمائش میں کور کمانڈرکراچی جنرل نوید مختار اور دیگر شخصیات کی تقاریرسندھ کی نااہل حکومت کی آنکھیں کھولنے کیلئے کافی ہیں۔مصطفےٰ عزیزآبادی

لندن۔۔۔5دسمبر 2014ء 

متحدہ قومی موومنٹ کے مرکزی شعبہ اطلاعات انٹر نیشنل سیکر یٹر یٹ کے انچارج سید مصطفےٰ عزیز آبادی نے حکومت سندھ کے وزیر اطلاعات شرجیل میمن کو مخاطب کرتے ہوئے کہاہے کہ ایکسپو سینٹر میں منعقدہ دفاعی نمائش میںآج کور کمانڈرکراچی جنرل نوید مختار اور دیگر شخصیات کی تقاریرسندھ کی نااہل حکومت کی آنکھیں کھولنے کیلئے کافی ہیں۔اپنے ایک بیان میں مصطفےٰ عزیزآبادی نے کہا کہ کور کمانڈر کراچی نے آج اپنی تقریرمیں انتہائی کربناک لہجہ میں سند ھ میں لاء اینڈآرڈرکی خراب صورتحال اور شہری سہولتوں کی عدم فراہمی کاذمہ داربیڈگورننس کو قرار دیاہے اورلوکل گورنمنٹ سسٹم کے نہ ہونے پر سخت برہمی کا اظہار کیاہے جو تمام اہلیان سندھ کیلئے لمحہ فکر یہ ہے ۔ انہوں نے کہاکہ اس بات پرسندھ کے نااہل حکمرانوں کیلئے یہی کہاجاسکتاہے کہ ’’ شرم ان کومگرنہیں آتی ‘‘ ۔ مصطفےٰ عزیزآبادی نے کہا کہ میں صوبائی وزیر اطلا عات شرجیل میمن سے باآدب اور پر ذور مطالبہ کرتا ہوں کہ وہ اس سوال کا عوام کو ضرور تفصیلی جواب دیں کہ آخر کورکمانڈراوردیگرمقررین کویہ بات کہنے کی ضرورت کیوں پیش آئی ؟