ایم کیوا یم رابطہ کمیٹی کی قائد آباد میں جرائم پیشہ افراد کی فائرنگ سے موبائل شاپ کے مالک زاہد قریشی کے قتل کی مذمت

کراچی ۔۔۔4دسمبر2014ء

متحدہ قومی موومنٹ کی رابطہ کمیٹی نے قائد آباد کے علاقے میں ڈکیتی کے دوران جرائم پیشہ مسلح افراد کی فائرنگ کے نتیجے میں موبائل شاپ کے مالک زاہد قریشی کے قتل کی سخت االفا ظ میں مذمت کی ہے ۔ ایک مذمتی بیان میں رابطہ کمیٹی نے کہا کہ مقتول زاہد قریشی ایم کیو ایم لانڈھی سیکٹر یونٹ 93Aکے یونٹ انچارج آصف قریشی کے بڑے بھائی تھے جنہیں ڈکیتی میں مزاحمت پر مسلح افراد نے بہیمانہ طریقے سے قتل کردیا۔انہوں نے کہا کہ شہر میں تاجر اور کاروباری افراد کو جرائم پیشہ عناصر کی جانب سے کھلے عام حراساں کیا جاتا ہے اور لوٹ مار کے دوران تشددکا نشانہ بنایا جاتا ہے جبکہ بعض اوقات مزاحمت پر بے دردی سے قتل کر دیا جاتا ہے لیکن پولیس اور قانون نافذ کرنے والے ادارو ں کے ذمہ داران ایسے عناصر کو روکنے میں ناکام نظر آتے ہیں ۔ رابطہ کمیٹی نے وزیر اعلیٰ سندھ سید قائم علی شاہ، آئی جی سندھ پولیس سے مطالبہ کیا ہے کہ وہ شہر میں جرائم پیشہ افراد کی تیزی سے بڑھتی ہوئی سرگرمیوں کا فوری نوٹس لیں اور زاہد قریشی کے قتل میں ملوث جرائم پیشہ عناصرکو فوری گرفتار کرکے سخت سزا دیں۔