بلاول زرداری نے جناب الطاف حسین کے خلاف دھمکی آمیز بیان دیکر اپنے نانا پیپلزپارٹی کے بانی چیئرمین ذو الفقار علی بھٹو شہید اور اپنی والدہ محترمہ چیئرپرسن پیپلزپارٹی بے نظیر بھٹو شہید کی روحوں کوبے چین کردیا ہے ، عارف خان ایڈووکیٹ ، سید شاکر علی

کراچی ۔۔۔2، دسمبر2014ء 

متحدہ قومی موومنٹ کی رابطہ کمیٹی کے ارکان عارف خان ایڈووکیٹ اور سید شاکر علی نے پیپلزپارٹی کے چیئرمین بلاول زرداری کے جناب الطا ف حسین کے خلاف دھمکی آمیز بیان کی سخت ترین الفاظ میں مذمت کی ہے اور مطالبہ کیا ہے کہ بلاول زرداری کے بیان کی عدالتی تحقیقات کرائی جائیں ۔ اپنے مشترکہ بیان میں انہوں نے کہاکہ بلاول زرداری نے جناب الطاف حسین کیلئے اپنے خطاب میں جو دھمکی آمیز الفاظ استعمال کئے ہیں وہ خود اس کی حقیقت سے آشنا نہیں ہیں اور وہ لکھی لکھائی تقریر پڑھ کر جناب الطا ف حسین کو جس قسم کی دھمکیاں دے رہے ہیں انہیں اس با ت کا بالکل اندازہ نہیں ہے کہ وہ اپنے نانا پیپلزپارٹی کے بانی چیئرمین ذو الفقار علی بھٹو شہید اور اپنی والدہ محترمہ چیئرپرسن پیپلزپارٹی بے نظیر بھٹو شہید کی ارواح کو بے چین کررہے ہیں ۔ انہوں نے کہا کہ اگر بلاول زرداری کے بیان کی عدالتی تحقیقات ہوجاتی تو دودھ کا دودھ اور پانی کا پانی ہوجاتا ، پیپلزپارٹی اور اس کے رہنما جو اتنے سور ما بنے پھررہے ہیں اپنا منہ چھپائے پہریں گے ۔ عار ف خان ایڈووکیٹ اور سید شاکر علی نے کہا کہ جناب الطاف حسین کا جس کسی نے بھی جینا تو کجا چیپڑ کلوز کرنے کی بات کی تو تاریخ گواہ ہے کہ خود اس کا جینا حرام ہوگیا ہے اور اس کا چیپٹر کلوز ہوگیا ہے لہٰذا بلاول زرداری اور پیپلزپارٹی کی قیادت کو یہ چاہئے کہ وہ خود فریبیوں سے باہر نکلیں اور سیاسی اور زمینی حقائق کے مطابق جمہوری اور سیاسی جدوجہد کریں ۔